મારે રે આંગણિયે

વિકિસૂક્તિમાંથી
Jump to navigation Jump to search
મારે રે આંગણિયે
નરસિંહ મહેતા


મારે રે આંગણિયે, કોણે પંચમ ગાયો;
ધસમસ્યા આવીને વહાલે, પાલવડો સ્હાયો. મારે રે..

પીતાંબર હાર ગળે, મૂગટ શોભતો;
મદે રે ભર્યો રે પ્રભુ, માનની મોહંતો. મારે રે..

વાંસલડી વાઈને વહાલે, મોહ પમાડી;
પ્રેમશું પાતળિયે વહાલે, હૃદિયાશું ભીડી. મારે રે..

મંદરિયામાં આવી વહાલે, માંડ્યો વિહાર;
ભણે નરસૈયો પામી, પૂરણ આધાર. મારે રે..


-૦-