મીઠડા બોલા નાથ રે

વિકિસૂક્તિમાંથી
Jump to navigation Jump to search
મીઠડા બોલા નાથ રે
નરસિંહ મહેતા
રાગ : સોહણી.


મીઠડા બોલા નાથ રે, આવો મારા મીઠડા બોલા નાથ રે;
એક ઘડી એકાંતે આવો તો, કહું મારાં મનડાં કેરી વાત રે. આવો.

આજ આનંદ મારે અતિ ઘણો, વહાલે પ્રેમે સહાયો મારો હાથ રે;
તરીયાં તોરણ મારે દ્વારે બંધાવું, મંગળ ગવરાવું સારી રાત રે. આવો

વૃંદા તે વનની કુંજગલનમાં, સહુ સખીઓની સાથ રે;
નરસૈયાચા સ્વામી સંગે રમતાં, હવે તો હુવો પરભાત રે. આવો