વિકિસૂક્તિ:T173070વાચકો દ્વારા વારંવાર પૂછાતા સવાલો

હું કોઇ લેખ કેવી રીતે શોધી શકું?

ડાબી બાજુ શોધો લખેલું છે તેની નીચેનાં ખાનામાં આપનો ઇચ્છિત શબ્દ ટાઇપ કરો અને તે શબ્દનાં શિર્ષક વાળો લેખ શોધવા માટે જાઓ પર અને તે શબ્દ ધરાવતા બધાજ લેખ શોધવા માટે શોધો ઉપર ક્લિક કરો. ગુજરાતીમાં કેવી રીતે ટાઇપ કરવું તે માટે નીચે જુઓ.

હું ગુજરાતીમાં કેવી રીતે લખું?

ગુજરાતીમાં લખવા માટે તમારે ડાબી બાજુ રહેલ ચક્ર પર ક્લિક કરી ઇનપુટ (Input) પર જઇને ગુજરાતી પસંદ કરીને તેમાંથી ગમતી લખવાની પદ્ધતિ ‍(કી-બોર્ડ લેઆઉટ) પસંદ કરવાની રહેશે. આ દરેક લેઆઉટ કે પદ્ધતિ વિશે વિગતે મદદ 'કેવી રીતે વાપરવું' પર ક્લિક કરીને મેળવી શકાશે.

કોઇ પણ લેખમાં ફેરફાર કરવા માટે જ્યારે તમે ફેરફાર કરો ઉપર ક્લિક કરશો ત્યાર બાદ, વિન્ડોની નીચે કી-બોર્ડનાં ચિહ્નની સાથે તમે પસંદ કરેલ પદ્ધતિ દેખાશે. Ctrl + M દબાવીને તમે અંગ્રેજીમાં કી-બોર્ડ ફેરવી શકશો. ફરીથી Ctrl + M દબાવતાં ગુજરાતીમાં લખી શકાશે. લિપ્યાંતર પદ્ધતિ લખવા માટે અત્યંત સરળ છે, તેમ છતાંયે તમે તમને ગમતી પદ્ધતિ વાપરી શકશો.

વધુ માહિતી માટે અંગ્રેજી વિકિપીડીયા પર એક સરસ લેખ છે, તે વાચી શકો છો. હાલ તુરત તેનો ગુજરાતી અનુવાદ છે નહીં. પરંતુ ભવિષ્યમાં આપણે તેવો જ લેખ અહિંયા બનાવી શકીએ છીએ.

ગુજરાતીમાં કેવી રીતે ટાઇપ કરવું?

વધુ માહિતી માટે આ જુઓ:વિકિપીડિયા:ગુજરાતીમાં કેવી રીતે ટાઇપ કરવું

વિકિપીડીયામાં ગુજરાતી લખાણ સરળ બનાવવા માટે ફોનેટિક કી બૉર્ડની ગોઠવણ કરેલી છે જેનો અર્થ થાય છે કે જેવો ઉચ્ચાર તેવો સ્પેલીંગ. દાખલા તરીકે તમારે અમદાવાદ લખવું હોયતો કી બૉર્ડ પર amadaavaada લખવાથી, શાંતિ લખવા માટે shaaMti, ઝરૂખો લખવા માટે Zaruukho અથવા jharookho, કૃષ્ણ લખવા માટે kRSNa અને એ જ રીતે ઋષિ લખવા માટે RSi, યજ્ઞ માટે yajna, ઉંદર માટે uMdara, ઊંટ માટે UMTa અને રુદ્રાક્ષ લખવા માટે rudraaxa અથવા rudraakSa ટાઇપ કરવાથી તમને ગુજરાતી વંચાશે. થોડો મહાવરો કરવાથી તમે ભૂલ કર્યા વગર લખી શકશો.

નવો લેખ કેવી રીતે શરૂ કરવો?

નવો લેખ શરૂ કરવા માટે શ્રેષ્ઠ માર્ગ છે, ડાબી બાજુ, શોધોની નીચેનાં બોક્સમાં તમે જે વિષય પર લેખ લખવા માંગો છે, તે શબ્દ શોધી જુઓ, ધ્યાન રાખજો કે જોડણી સાચી હોય. શક્ય છે કે કોઈકે ભળતી સળતી કે ખોટી જોડણી વાળું શિર્ષક વાપરીને પણ પાનું બનાવ્યું હોય, માટે કોઈ પણ વિષય પર નવું પાનું બનાવતાં પહેલાં આપ વિચારી શકો તેટલી વિવિધ જોડણીઓ વાપરીને શબ્દ શોધી જુઓ. જો આમાંના કોઈ પણ શબ્દ હેઠળ પાનું ના મળે તો, સાચી જોડણી વાપરીને ફરી એક વખત શોધો બોક્સમાં શબ્દ/મુહાવરો લખી જાઓ પર ક્લિક કરો. કેમકે આ વિષય પર કોઈ લેખ ઉપલબ્ધ નથી, માટે તમને સર્ચ રિઝલ્ટનાં પાનાં પર લાલ લીંકમાં "આ પાનું બનાવી શકો છો." એવું જોવા મળશે, બસ, તેના પર ક્લિક કરો અને લખવાનું શરૂ કરો, જ્યારે તમે 'સાચવો' બટન ઉપર ક્લિક કરશો, ત્યારે તમારું નવું પાનું તૈયાર હશે.

વિકિપીડિયા પર કોણ કામ કરે છે?

આપણે બધાં જ! જી હા! :) વિકિપીડિયાના લગભગ બધાંજ લેખોને આપણે બધાજ સુધારી - વધારી શકીએ છે. વિકિપીડિયાની વૃદ્ધી કરવાની આજ એક બુદ્ધીશાળી યોજના છે.

પણ મને ખબર નથી હું શું કરું

કરવા લાયક કામ તો ઘણા છે, પણ તમને શું ગમે છે તેની પર આધાર છે. સૌ પ્રથમ તો અહિંયા પોતાનું એક યુઝ઼ર નેમ ઉભું કરો જેથી તેના દ્વારા તમે કામ કરી શકો અને અન્ય લોકો સાથે વાર્તાલાપ કરી શકો. પછી કશી સુઝ ન પડે ચોતરા પર લોકોને પુછવા માટે નવી ચર્ચા ચાલુ કરી શકો છો. ત્યાં થોડા દિવસ સુધી જો જવાબ ન મળે તો વિકિપીડિયાના પ્રબંધકો પૈકિ કોઇ એક નો સંપર્ક કરી જુઓ.

એનો અર્થ એ કે વિકિપીડિયા પર ગમે તે વ્યક્તિ તોડફોડ કરી શકે છે?

વિકિપીડિયા નો કોઇ પણ લેખ કોઇ પણ વ્યક્તિ બદલી શકે છે. પણ અહિંયા સ્વયં સેવકો હાજર જ રહેતા હોય છે જેઓ કોઇ વ્યક્તિના ખરાબ લેખન ને સુધારવા કે કોઇ પણ પ્રકારની તોડફોડને અવળી કરી લેખોની કક્ષા સાચવી રાખે છે. તમે પણ તેમાં મદદરૂપ થઇ શકો છો. દરેક લેખનો "ઈતીહાસ" તમે જોઇ શકો છો. આ લેખનો પણ "ઈતીહાસ" છે. આ લેખના મથાળે જ્યાં "ઈતીહાસ" લખ્યું છે ત્યાં અથવા અહીં ક્લિક કરો અને જુઓ ઇતિહાસમાં કેવી રીતે માહિતી મળે છે.

લેખમાં ચિત્રો કેમ નથી દેખાતા?

પ્રશ્નઃ અંગ્રેજી કે હિંદી વિકિપીડિયા પરથી કોપી કરીને અહીં લાવેલા અમુક લેખોમાં ક્યારેક અમુક ચિત્રો દેખાતા નથી, આનું કારણ શું હોઈ શકે?

• ઉત્તરઃ આનું કારણ એ હોઈ શકે કે, જે તે વિકિપીડિયાનાં લેખમાં રહેલા ચિત્રો તે વિકિમાં સ્થાનિક રીતે ચઢાવેલા હોય અને તે ચિત્રો વિકિ કોમન્સમાં ઉપલબ્ધ ના હોય. સામાન્ય રીતે કોઇ પણ ફાઇલ વિકિ કોમન્સમાં અપલોડ કરવી હિતઘ છે, કેમકે તેમ કરવાથી તેને વિવિધ વિકિમાં સ્થાનિક રીતે અપલોડ કરવી પડતી નથી અને સીધે-સીધી તેને કોઈપણ વિકિનાં પ્રકલ્પમાં સરળતાથી ઉમેરી શકાય છે.

કોમન્સમાં ના હોય તેવા ચિત્રો માટે શું કરવું

પ્રશ્નઃઆપે ઉપર જણાવ્યું તેમ, જો તે લેખ જે તે વિકિમાં જ હોય અને કોમન્સમાં ન હોય, તો આવા ચિત્રોને અંગ્રેજી/હિંદી વિકિમાંથી વિકિ કોમન્સમાં કેવી રીતે લઈ આવવું?

• ઉત્તરઃ આને માટે આપે કોમન્સમાં જઈને અપલોડ ફાઇલ પર ક્લિક કરવાનું રહેશે, જે આપણા ગુજરાતી વિકિની જેમજ ડાબી બાજુના હાંસીયામાં જોવા મળશે. હવે જે પાનું ખુલે તેમાં ૪થો પર્યાય It is from another Wikimedia project (Wikipedia, Wikibooks, Wikinews, etc.) ની કડી પર ક્લિક કરવાથી એક ફોર્મ ખુલશે. તે ફોર્મ વાળા પાનાંમાં ઉપરનાં લખાણના બીજા ફકરામાં CommonsHelper tool છે, તેનો ઉપયોગ કરીને જે તે વિકિપીડિયાનાં પ્રકલ્પમાંથી ફાઈલની માહિતી લેવી, તેને કોપી કરી, Transfer a work from another Wikimedia project વાળા ફોર્મમાં Summary: નાં ખાનામાં મુકવાથી તેની બધીજ માહિતી આપોઆપ ઉમેરાઈ જશે. આ સાથે તમારે જે તે વિકિમાંથી ફાઇલ તમારા કોમ્યુટર પર ડાઉનલોડ કરવી પડશે, હવે આ ડાઉનલોડ કરેલી ફાઇલને Local filenameનાં Browse બટનની મદદથી પસંદ કરો, જેથી Destination filename:માં જે તે નામ આપોઆપ દેખાશે. મારા મતે આ નામ યથાવત રહેવા દેવું, કેમકે તે નામથી જ તે ફાઇલ અન્યત્ર જોડાયેલી હોવાથી જો નામ બદલવામાં આવે તો તકલીફ થઈ શકે છે. છતાં જરૂર જણાય તો તમે ત્યાં તેને નવું નામ આપી શકો છો. આ જ રીતે જ્યારે તમે કોમન્સ હેલ્પર ટૂલની મદદથી સમરિ લાવ્યા હશો તો, Categories: પણ આપોઆપ આવી ગઈ હશે, છતાં તમારે જો ફાઈલને કોઈ વિશેષ શ્રેણીમાં મુકવી હોય તો, Categories: ખાનામાં તે શ્રેણી/શ્રેણીઓનું નામ ઉમેરી શકો છો. અ બધું જ થઈ ગયા પછી, નીચે અપલોડ ફાઇલનું બટન છે તેના પર ક્લિક કરવાથી આપની ફાઇલ અપલોડ થઈ જશે.

લેખ ને અનુરુપ જે કોઇ પણ શ્રેણી હોય, તેમાં કઇ રીતે ઉમેરવુ?

લેખને અનુરૂપ શ્રેણીમાં મુકવા માટે જે તે લેખને અંતે ઉમેરી દો. દર્શાવેલી ખાલી જગ્યામાં તે શ્રેણીનું નામ લખો. દા. ત. શ્રેણી:રાસાયણિક તત્વો

ઢાંચો શું હોય છે? એનો ઉપયોગ કઇ સ્થિતીમાં કરાય?

ઢાંચો એ પહેલેથી નિશ્ચિત કરાયેલા કમાન્ડની માલિકા છે. જે કાર્યો વારંવાર કરવા પડે તેને ટાળવા ઢાંચા વપરાય છે. દા.ત. એક કોઠો બનાવવો હોય. તે દરેક લેખમાં આવતો હોય. તો દર વખતે કોઠા બનાવવાની પળોજણ માં પડી સમય બગાડતો અટકાવવા ઢાંચા વપરાય છે. આ ઢાંચાને બે છગડિયા ઢાંચો:અને કૌંસમાં લખાય છે. આવો એક ઘણો ઉપયોગિ ઢાંચો છે "માહિતીચોકઠું" નામનો. વિશ્વના વિવિધ દેશને લાગતા લેખમાં "માહિતીચોકઠું દેશ" વપરાયો છે. તે બનાવવો ઘણો અટપટો છે. પણ મહાવરાથી ઢાંચા વાપરી શકાય છે.

ચોતરા પર ચર્ચા કેવી રીતે શરૂ કરવી?

ચોતરા પર નવી ચર્ચા ચાલુ કરતી વખતે, આખાં પાનાંમાં ફેરફાર કરીને છેડે નવો વિષય ઉમેરવાને બદલે વિકિપીડિયા:ચોતરો પર જમણી બાજુ ઉપરની તરફ એક ચોરસ ખાનું દેખાશે જેમાં ચોતરો (સમાચાર) અને ચોતરો (અન્ય) એમ લખ્યું છે અને તે બંનેની સામેના કોઠામાં નવી ચર્ચાની કડી છે, આમાંથી આપની ચર્ચાના વિષયને અનુરૂપ વિભાગમાં નવી ચર્ચા પર ક્લિક કરીને નવો વિષય ઉમેરવા વિનંતિ. આમ કરવાથી ચોતરાનું સુવ્યવસ્થિત માળખું જળવાઈ રહેશે.

[[શ્રેણી:_________]]